Türkiyədə zəlzələdən zərərçəkənlərin işıq və qaz pulları silindi

Fevralın 6-da Türkiyədə baş vermiş dəhşətli zəlzələlər nəticəsində iş yerləri və evləri ziyan görmüş vətəndaşların ödəmədikləri işıq və qaz pulları ləğv edilib.

BAKU.WS Türkiyə mətbuatına istinadən xəbər verir ki, bu barədə Türkiyə Prezidenti Rəcəb Tayyib Ərdoğan müvafiq sənəd imzalayıb.

Məlumata görə, indiyədək həmin ərazilərin sakinlərinin ödəmədikləri kommunal xidmətə görə nəzərdə tutulmuş məbləğ silinib.

Xatırladaq ki, fevralın 6-da Türkiyənin Kahramanmaraş vilayətinin Pazarcık rayonunda olan 7,7, Elbistan rayonunda olan 7,6 maqnitudalı iki zəlzələ olub. Nəticədə 50 500 nəfər ölüb.