Türkiyədə qar uçqunu - 5 ölü, 7 yaralı - VİDEO

Türkiyənin Van vilayətinin Baxçasaray qəsəbəsində mikroavtobus və ağır texnika qar uçqununun altında qalıb.

BAKU.WS “Anadolu” agentliyinə istinadən xəbər verir ki, aparılan xilasetmə əməliyyatları nəticəsində 7 nəfər qar altından sağ çıxarılıb.

Hadisə zamanı 5 nəfər isə ölüb. Daha 2 nəfərin qar uçqunu altında qaldığı ehtimal edilir.

Hazırda bölgədə qar yağışı davam etdiyi üçün yenidən uçqun təhlükəsinin olduğu bildirilir. Bu səbəbdən axtarışlar ehtiyatla davam etdirilir.