Türkiyədə məsciddəki hücumun ANBAAN VİDEOSU

Ötən gün Türkiyədə, Fatih məscidi içərisində şüarlar səsləndirən Ö.S-ə xəbərdarlıq edən məscid İmamı Qalip Usta və həmin vaxt orada olan Bilal Ərdəm Ö.S-nin bıçaqlı hücumu nəticəsində yaralanıb.

BAKU.WS xəbər verir ki, Haber Global hadisə anının görüntülərini yayımlayıb.

Videoda şübhəli Ö.S.-nın mühafizəçilər tərəfindən məsciddən çıxarılması öz əksini tapıb.

Yaralılara hadisə yerində ilkin tibbi yardım göstərilərək təcili yardımla xəstəxanaya aparılıb. Qeyd olunub ki, məscidin imamı və Ərdəm adlı şəxsin vəziyyəti yaxşıdır.

Hazırda saxlanılan şübhəli şəxs barəsində İstanbul Respublika Prokurorluğu tərəfindən istintaq başladılıb. Araşdırmalar aparılır.