Türkiyədə maşinistlər qatarı saxlayıb yanğını söndürməyə başladılar – VİDEO

Türkiyədə iki maşinist atdığı nümunəvi addımla məşhurlaşıb.

“Haber Global” məlumat verir ki, Sivasdan Malatyaya gedən qatarın maşinistləri yol kənarındakı meşəlik ərazidə ağacların yandığını müşahidə ediblər.

Onlar dərhal qatarı saxlayaraq yanğına qarşı mübarizə aparmaq qərarına gəliblər.

Maşinistlərdən biri qatardakı yanğınsöndürmə balonu ilə yanğının böyüməsinin qarşısını alıb, digəri isə mobil telefonu ilə müvafiq görüntüləri qeyd edib.