Tbilisidə yenidən mitinq keçirilir

Bir neçə yüz nəfər yenidən Tbilisidə parlament binası yaxınlığında hökumət əleyhinə mitinq təşkil edib.

BAKU.WS tass-a istinadən xəbər verir ki, etirazçılar Rustaveli prospektini bağlayıb və şəhərin müxtəlif nöqtələrindən ayrı-ayrı qruplar halında toplanaraq bu ərazidə birləşiblər.

Onlar əvvəlki günlərdə olduğu kimi hökumətin istefasını və yeni parlament seçkilərinin təyin edilməsini tələb edirlər.

Polis etirazçılara müdaxilə etməyib və Daxili İşlər Nazirliyi nümayişçiləri dağıtmaq məqsədilə xüsusi texnikanı hələ yerləşdirməyib.