İtaliyada turistlərin olduğu qayığın batması 4 nəfərin ölümü ilə nəticələnib

İtaliyanın şimalındakı Maggiore gölündə turistlərin olduğu 16 metrlik yelkənli qayığın batması nəticəsində 4 nəfər ölüb.

Sərnişinlər və ekipaj üzvləri daxil olmaqla 24 nəfərin olduğu qayıq əlverişsiz hava səbəbindən aşıb. İyirmi nəfər ətrafdakı qayıqlar tərəfindən xilas edilib, onlardan bəziləri üzərək sahilə çıxıb. Hadisə nəticəsində 4 nəfər itkin düşüb və onların cəsədləri dalğıclar tərəfindən göldən çıxarılıb.

Qayığın güclü küləyin səbəb olduğu yüksək dalğalar nəticəsində aşdığı ehtimal edilir.