Sudanda toqquşmalar nəticəsində 56 nəfər ölüb - VİDEO

Sudanda xüsusi təyinatlı qüvvələrlə ordu birləşmələri arasında toqquşmalarda 56 nəfər ölüb, 595 nəfər isə yaralanıb.

Bu barədə ölkənin Həkimlər Komitəsi məlumat yayıb.

Bildirilib ki, təkcə Xartumda 25 nəfər həyatını itirib, 302 nəfər isə müxtəlif növ bədən xəsarətləri alıb.

Ölənlər arasında hərbçilərdən əlavə mülki şəxslər də var.

Qeyd edək ki, xüsusi təyinatlılar vahid orduya birləşmək ideyasını dəstəkləmir. Eyni zamanda silahlı qüvvələrə rəhbərlik edəcək şəxsin mülki və ya hərbçi olması ilə bağlı fikir ayrılığı mövcuddur.

Aprelin əvvəlində tərəflər arasında imzalanmalı olan müqavilə fikir ayrılıqları səbəbindən iki dəfə təxirə salınıb. Aprelin 12-dən 13-nə keçən gecə Sudan ordusu Merove şəhərini tərk etmələri barədə xüsusi təyinatlılara ultimatum irəli sürüb.

⚡️There's a bit of a mess in Sudan.

The Sudanese Armed Forces are battling the Rapid Reaction Force.
For clarity, the Armed Forces are pro-American and the SIS is pro-Russian. To simplify as much as possible pic.twitter.com/A5efHA7VJx

— MARIA (@its_maria012) April 15, 2023