İstanbulda FETÖ əməliyyatı: 15 nəfər tutuldu

Türkiyənin İstanbul şəhərində Polis İdarəsi Terrorla Mübarizə Şöbəsi qrupları FETÖ/PDY terror təşkilatı üzvlərinə qarşı əməliyyat-axtarış tədbirləri həyata keçirib.

BAKU.WS "TRT Haber"ə istinadən xəbər verir ki, araşdırmalar çərçivəsində şübhəlilərin təşkilat üzvləri ilə gizli ünsiyyət üsulu olan ödənişli telefon vasitəsilə əlaqə saxladığı müəyyən edilib.

Həmçinin müsahibə zamanı namizəd nömrəsini kodlaşdırmaqla FETÖ/PDY üzvlərinin dövlət idarələrinə sızdığı da aşkar olunub.

Keçirilimiş əməliyyat zamanı 19 nəfər müəyyən edilib, onlardan 15 nəfər saxlanılıb.

Şübhəlilərdən 3-nün xaricə qaçdığı müəyyənləşdirilib, 1 nəfərin tutulması istiqamətində işlər davam etdirilir.