SSRİ-dən qalan köhnə əşyalar indi baha qiymətə satılır - FOTO

SSRİ-dən qalan bir çox əşya bəzi mənzillərin şkaflarını hələ də bəzəyir.

BAKU.WS xəbər verir ki, bir çox valideynlər və yaşlı insanlar üçün bu əşyalar dəyərli olduğu üçün onları heç vaxt atmırlar.

Hazırda bu əşyalar, həqiqətən, kolleksiyaçılar üçün dəyər halına gəlib. Əgər sizdə də evdə belə əşyalar qalıbsa, onda pul qazanmaq imkanınız var.

Stəkan altlığıBu gün bələdçilər qatarlarda sərnişinlərə stəkan altlığını yenə təklif edirlər. Lakin SSRİ dövründən qalan stəkan altlıqlarını muzeylərdə görmək mümkündür. Hərraclarda, SSRİ-dən olan metal stəkan altlığının qiyməti 600-700 avroya (təxminən 1100-1300 AZN) çatır.

Dəmir pullarDəmir pullar həmişə numizmatiklər arasında dəyərləndirilmişdir. SSRİ-nin dağılmasından sonra bu cür əşyaları toplamaq çox çətin olub və indi, demək olar ki, heç kəsdə bu pullardan qalmayıb. Kolleksiyaçıların ödəməyə hazır olduqları məbləğ sikkənin ölçüsünə və buraxılış ilinə bağlıdır. Qiymətlər 20 ilə 3000 avro arasında dəyişir (37-5580 AZN).

OyuncaqlarTəəccüblənəcəksiniz, amma dünyada SSRİ dövründə hazırlanmış oyuncaqları toplayan insanlar çoxdur. Bu təkcə sovet respublikalarından gələn mühacirlərə aid deyil, həm də xaricilərə aiddir. Fakt budur ki, bu cür oyuncaqlar qiymətli əşyalar hesab olunur. Qiymətləri çox dəyişir, çünki belə şeylər hərraclarda çox nadir hallarda görünür və kolleksiyaçılar onları sahiblərindən almağa üstünlük verirlər.

QablarSSRİ dövründə hər kəsdə servis qablar olmurdu. Buna görə belə məhsullar xüsusilə qiymətlidir. Satmaq üçün ən bahalı qablar Leninqrad, Kirov və Minsk fabriklərində hazırlananlardır. Bu qabların orijinallığı altındakı damğa ilə müəyyən edilir. Qiymətlər 100-1000 dollar arasında dəyişir (170-1700 AZN).