Rusiyada altı günlük iş həftəsi tətbiq ediləcək?

Rusiyada altı günlük iş həftəsinin tətbiqi ehtimalı yoxdur.

BAKU.WS "RİA Novosti"yə istinadən xəbər verir ki, bu barədə Rusiya Federasiyasının Əmək və Sosial Müdafiə Naziri Anton Kotyakov bildirib.

Onun sözlərinə görə, ölkədə mövcud əmək qanunvericiliyi çevikdir və işçi ilə işəgötürənə rahat iş qrafiki razılaşdırmaq və təyin etmək imkanı verir.

O, xatırladıb ki, qanuna əsasən, əlavə işləməyə görə vətəndaşlara artırılmış əmək haqqı ödənilməlidir. Həmçinin, tərəflərin qarşılıqlı razılığı ilə həftə sonları və bayram günlərində də işləmək imkanı mövcuddur.