İrandakı terror aktına görə həbs edilənlər var

İranın Kirman şəhərində törədilən terror aktlarında iştirakda şübhəli bilinən bir neçə nəfər məsuliyyətə cəlb olunub.

Bu barədə ölkənin Daxili İşlər Nazirliyindən bildirilib.

Məlumata görə, kəşfiyyat orqanları hadisə ilə bağlı müəyyən detallar toplayıb. Lakin bunlar ictimaiyyətə açıqlanmır.

Qeyd edək ki, yanvarın 3-də İranın Kirman şəhərində iki partlayış törədilib. Nəticədə 103 nəfər ölüb, 211 nəfər yaralanıb. İndiyədək ölənlərdən 84 nəfərin şəxsiyyəti müəyyənləşdirilib.