İranda güclü zəlzələ olub

İranın cənubunda yerləşən Fars əyalətinin Dərəz bölgəsində 5,5 maqnitudalı zəlzələ baş verib.

BAKU.WS-in məlumatına görə, bu barədə Tehran Universitetinin Geofizika İnstitutunun Seysmoqrafiya Mərkəzi məlumat yayıb.

Məlumata görə, zəlzələ yerli vaxtla 04:41-də baş verib və yeraltı təkanların ocağı 11 km dərinlikdə olub.

Dağıntılar və tələfat barədə məlumat verilməyib.

Qeyd edək ki, dünən səhər saatlarında da Fars və Hormozqan əyalətlərində 5,2 bal gücündə zəlzələ qeydə alınmışdı.