Quşadasında ev heyvanlarının satışı qadağan olundu

Türkiyənin Aydın şəhərinin Quşadası rayonunda akvarium və qəfəsdəki qanadlı heyvanlar xaric ev heyvanlarının satışı qadağan olunur.

BAKU.WS Türkiyə mediasına istinadən xəbər verir ki, qərar bələdiyyə toplanstısında qəbul edilib.

"Vəzifəyə təyin olunandan bu günə qədər can dostlarımızın yaşamaq hüquqlarını qoruduq. Ev heyvanlarının ticarəti qəbul edilməzdir. Buna görə də rayonda (Quşadası) ev heyvanlarının satışını qadağan etdik. Evini və yaşayışını bir heyvanla paylaşmaq istəyən bütün sakinlərimizi almaq əvəzinə sahib çıxmağa səsləyirik", - deyə bələdiyyə sədri Ömər Günel bildirib.