Quba Soyqırımı Muzeyi ölkə əhəmiyyətli abidələr siyahısına salındı
Yeniliklərdən dərhal xəbərdar olun
Quba Soyqırımı Muzeyi, simvolik məzarlıq və 1918-ci ilə aid kütləvi məzarlıq ölkə əhəmiyyətli daşınmaz tarix və mədəniyyət abidələri siyahısına daxil edilib.
BAKU.WS xəbər verir ki, bununla bağlı Baş nazir Əli Əsədov qərar imzalayıb.
Qərara əsasən, Astaranın Alaşa kəndində yerləşən, eramızdan əvvəl IV əsrdən eramızın XVI əsrinədək olan dövrə aid Əlişa qala kompleksi də ölkə əhəmiyyətli arxeoloji abidələr siyahısına əlavə edilib.
Dünya əhəmiyyətli abidələr siyahısında Azıx və Tağlar mağara düşərgələrinə dair bəndlər yeni redaksiyada verilib. Sənəddə paleolit dövrünə aid düşərgələrin müvafiq olaraq Xocavənd rayonunun Azıx və Böyük Tağlar kəndlərində yerləşdiyi göstərilib.
Gəncədə XIX əsrə aid üç yaşayış evi, Sumqayıtın Corat qəsəbəsində isə XVI əsrə aid Hacı Məcid və XVII əsrə aid Hacı Əmrulla hamamları yerli əhəmiyyətli memarlıq abidələri siyahısına salınıb. Həmin siyahının Qazax rayonu üzrə 4533-cü bəndi ləğv edilib.
Oxşar xəbərlər
İlham Əliyev Hanoyda Vyetnam Milli Assambleyasının sədri ilə görüşüb
Azərbaycan Prezidenti İlham Əliyev noyabrın 20-də Hanoyda Vyetnam Milli Assambleyasının sədri Çan Tan Man ilə görüşüb. BAKU.WS xəbər verir ki, görüşdə çıxış edə...