Qırğızıstanda 40-dan çox uşaq naməlum səbəbdən zəhərləndi

Qırğızıstanın Oş vilayətində qırxdan çox uşaq naməlum maddədən zəhərlənib, onlardan 18-i xəstəxanaya yerləşdirilib.

BAKU.WS tass-a istinadən xəbər verir ki, bu barədə ölkənin Səhiyyə Nazirliyi məlumat yayıb:

“Oş vilayətinin Kara-Suu rayonunda 43 uşaq tibbi yardım üçün müraciət edib", - nazirliyin mərkəzi aparatının nümayəndəsi bildirib.

Onun sözlərinə görə, zərərçəkənlərə ilkin zəhərlənmə diaqnozu qoyulub. Həkimlər 18 nəfəri xəstəxanaya yerləşdirmək qərarına gəliblər.

Zəhərlənməyə nəyin səbəb olduğu hazırda mütəxəssislər tərəfindən müəyyən edilir.