Qəzzada gedən döyüşlərdə daha 4 İsrail əsgəri həlak olub

Qəzza zolağında baş verən döyüşlərdə İsrail Müdafiə Qüvvələrinin daha 4 əsgəri həlak olub.

BAKU.WS-in xəbərinə görə, bu barədə "The Jerusalem Post" qəzeti məlumat yayıb.

Qəzza zolağında quru əməliyyatı başlayandan bəri HƏMAS-a qarşı döyüşlər zamanı həlak olan İsrail əsgərlərinin sayı 126-ya çatıb.

Eyni zamanda, ordunun mətbuat xidmətinin məlumatına görə, İsrail-Fələstin münaqişəsinin yeni kəskinləşməsi başlayandan bəri həlak olan İsrail əsgərlərinin sayı artıq 458-ə çatıb.