Putinin illər öncə verdiyi bu açıqlama gündəm oldu - “Bağışlamayacağım tək şey xəyanətdir” - VİDEO

Rusiyanın Tver vilayətində qəzaya uğrayan təyyarədə “Vaqner” özəl hərbi şirkətinin təsisçisi Yevgeni Priqojin və “Vaqner”in komandiri Dmitri Utkin ölməsinin ardından Rusiyanın prezidenti Vladimir Putinin illər öncə verdiyi açıqlama yenidən gündəmə gəlib.

BAKU.WS xəbər verir ki, Putin özü haqqında verilən sualları cavablandırarkən “Bağışlamayacağım tək şey xəyanətdir” sözlərini deyib.

Son aylarda Moskva administrasiyasına qarşı ayağa qalxan rus muzdlu qruplaşması “Vaqner”in lideri Priqojini daşıyan təyyarənin qəzaya uğramasının bütün dünyada əks-səda doğurub.

Hazırda həm sosial şəbəkələrdə, həm də mətbuatda Təyyarənin Rusiya hava hücumundan müdafiə sistemləri tərəfindən vurulduğu iddiası dolaşır.

Putinin illər öncəki açıqlaması isə insanların bu düşüncələrini daha da qüvvətləndirib.