PKK-nın qətlə yetirdiyi 13 türkdən 12-si başından vurulub

Türkiyə Silahlı Qüvvələrinin birlikləri tərəfindən İraqın şimalında yerləşən Gara bölgəsində ələ keçirilən PKK mağaralarında aşkarlanan cəsədlərin 10 nəfərinin şəxsiyyəti müəyyən edilib.

BAKU.WS "Qafqazinfo"ya istinadən xəbər verir ki, bu barədə Türkiyənin Malatya vilayətinin valisi Aydın Baruş danışıb.

O bildirib ki, digər üç nəfərin şəxsiyyətinin müəyyən edilməsi üçün fəaliyyət davam edir.

Araşdırma və müayinə zamanı təsdiq olunub ki, cəsədləri aşkar edilən Türkiyə vətəndaşları PKK tərəfindən məqsədli şəkildə qəddarcasına qətlə yetiriliblər. Vali 13 şəhiddən 12-sinin baş nahiyəsindən, birinin isə döş qəfəsindən yaxın məsafədən atəş açılaraq öldürüldüyünü bildirib.