Piknik üçün gəzintiyə çıxan gənclər başından güllələnmiş insan cəsədi tapdılar - FOTO

Türkiyədə, İstanbulun Küçükçekmece bölgəsində boş ərazidə piknik edən şəxslər tərəfindən başından vurulmuş kişi meyiti aşkarlanıb.

BAKU.WS Türkiyə mətbuatına istinadən xəbər verir ki, cəsədin bir müddətdir xəbər alınmayan və ailəsi tərəfindən axtarılan Furkan Ç.-yə aid olduğu müəyyən edilib. Polislər hadisə yerinin yaxınlığında tapança da tapıblar.

Məlumata görə, hadisə ötən gün saat 20.30 radələrində Küçükçekmece Halkalı Mərkəz Məhəlləsində boş bir ərazidə baş verib. Furkan Ç.-nin cəsədi yarılma üçün ölkənin Ədliyyə Tibb Təşkilatının meyitxanasına aparılıb.

Qalereya