Niderland səfirliyi ölkə vətəndaşının Şəkidə xilas edilməsinə görə Azərbaycana təşəkkür edib

Niderland səfirliyi avqustun 29-da Şəkinin dağlıq ərazisində piyada yürüşü zamanı xəsarət alan ölkə vətəndaşının xilas edilməsinə və ona təcili tibbi yardım göstərilməsinə görə Azərbaycan hökumətinə təşəkkürünü bildirib.

BAKU.WS xəbər verir ki, bu barədə Niderlandın Azərbaycandakı səfirliyinin "X" sosial şəbəkəsindəki hesabında paylaşım edilib.

"Xüsusilə, mürəkkəb dağlıq ərazi şəraitində və qaranlıqda həyata keçirilən xilasetmə əməliyyatına, helikopterlə operativ təxliyəyə və hadisə yerində ilk tibbi yardımın göstərilməsinə görə Azərbaycan Respublikasının Dövlət Sərhəd Xidmətinə təşəkkür edirik", - bəyanatda bildirilib.