Murat Soydan 83 yaşında vəfat etdi - FOTO

Türk filmlərinin xarizmatik aktyorlarından olan Murat Soydan vəfat edib.

BAKU.WS Türkiyə KİV-ə istinadən xəbər verir ki, bu barədə onun qızı Mehveş Soydan məlumat yayıb.

O sosial şəbəkə hesabında 83 yaşlı atasını itirdiyini bildirib.

"Canım atamı itirdik. Başımız sağ olsun!" - deyə o qeyd edib.

Xatırladaq ki, "Yeşilçam" ulduzu Murat Soydan 1940-cı il oktyabrın 2-də İstanbulun Üsküdar bölgəsində doğulub.

İbtidai və orta məktəbi Lüleburgazda, liseyi isə Edirnedə bitirib.

Daha sonra İstanbulda İqtisadi Elmlər Akademiyasında oxuyarkən həm də İstanbul Bələdiyyə Konservatoriyasının Türk Musiqisi ixtisası üzrə təhsil alıb.

1966-cı ildən "Kolsuz Kahraman" filmi ilə karyerasına başlayıb. O 200-dən çox ekran işində rol alıb.

Murat Soydan 2016-cı ildə həyatı və filmləri haqqında yazdığı bir kitabını da nəşr etdirib.

Qalereya