Türkiyədə iki ailə arasındakı davada 41 NƏFƏR YARALANIB - FOTO

Türkiyədə kütləvi dava zamanı xeyli insan yaralanıb.

BAKU.WS Türkiyə KİV-ə istinadən xəbər verir ki, hadisə Batman şəhərinin Beşiri rayonunda baş verib.

Gecə saatlarında kafedə gənclər arasında başlanan dava daha sonra iki ailə arasındakı qarşıdurmaya çevrilib.

Ailələrin bir-birinə daş, dəyənək və bıçaqla hücum etdiyi davada 41 nəfər xəsarət alıb.

1 nəfərin başından aldığı güclü zərbə nəticəsində hazırda vəziyyəti ağırdır.

Hadisə yerinə polis əməkdaşları və təcili yardım cəlb edilib. Yaralılar təcili olaraq yaxınlıqdakı xəstəxanalara aparılıblar.

Hadisə ilə bağlı araşdırmalara başlanılıb.

Qalereya