HƏMAS-la müharibənin İsrailə vurduğu ziyan açıqlanıb

İsrailin ÜDM-i 2023-cü ilin oktyabr-dekabr aylarında Həmas ilə müharibə səbəbindən 19,4% azalıb.

BAKU.WS xəbər verir ki, bu barədə “The Times of Israel” (TOI) qəzeti Yaxın Şərq ölkəsinin Mərkəzi Statistika Bürosunun ilkin qiymətləndirməsinə istinadən məlumat yayıb.

Qeyd olunub ki, Fələstinin radikal HƏMAS hərəkatı ilə silahlı münaqişə 2023-cü ilin dördüncü rübündə İsrailin ÜDM-nin illik göstəricidə 19,4% azalmasına səbəb olub.

Bu rəqəmi pandemiya dövrü ilə müqayisə etmək olar, o zaman İsrail ÜDM-i təxminən 30% azalıb. Ekspertlər 2023-cü ilin oktyabr-dekabr aylarında İsrail iqtisadiyyatının rüblük olaraq 5,2% azaldığını bildirib.

Bu vəziyyətə bir neçə amil səbəb olub. Xüsusilə, orduda xidmət etmək üçün işlərini tərk etməli olan 300 min ehtiyatda olan hərbçinin hərbi xidmətə çağırılması, eləcə də İsrailin Qəzza zolağı və Livanla həmsərhəd bölgələrindən təxliyə edilən 120 mindən çox israilli üçün hökumətin dəstəyi ilə mənzil tikintisi.

Bundan əlavə, İordan çayının qərb sahilindən (HƏMAS-ın rəqibi olan Fəth hərəkatının nəzarətində olan, redaktorun qeydi) fələstinli işçilərin İsrailə girişinə qoyulan məhdudiyyət iqtisadi vəziyyəti daha da pisləşdirib. Sonuncu vəziyyət ölkədə kadr çatışmazlığına səbəb olub.