Günəş şüası ilə qaralmağın zərərləri açıqlandı - FOTO

Dermatoloqlar günəş vannası qəbul etməyin zərərli olduğunu açıqlayıblar.

BAKU.WS xarici KİV-ə istinadən xəbər verir ki, günəşdə qaralmaq dərinin erkən yaşlanmasına və qırışmasına səbəb olur.

Onların sözlərinə görə, ultrabənövşəyi şüalar dərinin elastikliyini təmin edən elastin adlı maddəyə təsir göstərir.

Elastin itkisinə ilk növbədə gənc yaşlarda başlayırıq, yəni 14-16 yaşlarda yavaş-yavaş bədənimizdən çıxmağa başlayır, sonra isə onu ildə 1% itiririk.

Əgər insan aktiv şəkildə qaralacaqsa, onda elastin orqanizmdən daha sürətli çıxarılacaq və dəri zəifləyəcək.

Dermatoloqların sözlərinə görə, əgər insan, xüsusən də uşaqlıq dövründə, hər hansı bir yanıqdan əziyyət çəksə, dərinin piqmentasiyası daha böyük yaşlarda özünü göstərə bilər.

2024-cü ildə Mançester Universitetinin alimləri günəşə məruz qalmanın dərinin səthindəki bakteriya müxtəlifliyini azaltdığını və ekzema kimi risklərin artıdğını bildiriblər.

Tədqiqatın nəticələri "Frontiers in Aging" adlı jurnalda dərc edilib.