Fransada koronavirusdan ölənlərin sayı 20,7 mini keçib

“Fransada COVID-19 epidemiyası son sutka ərzində 531 nəfərin ölümünə səbəb olub”.

BAKU.WS-in məlumatına görə, bu barədə Fransa Baş Səhiyyə İdarəsinin baş direktoru Jerome Salomon keçirdiyi brifinqdə bildirib.

O qeyd edib ki, bu günə qədər ölənlərin sayı 20796 nəfər olub: "Onlardan 12 900 nəfəri xəstəxanalarda, digər 7896 nəfəri isə qocalar evlərində, digər tibbi və sosial müəssisələrdə ölüb”.

Baş direktorun sözlərinə görə, xəstəxanaya yerləşdirilənlərin sayı 30 106 nəfərə çatıb: “Hazırda reanimasiyada 5443 nəfər var. Son 13 gün ərzində reanimasiyada olanların sayında azalma müşahidə olunub. Ölkə üzrə COVID-19 infeksiyasına yoluxanların sayı ümumilikdə 117 324 nəfərdir”.