Filmdən 32 milyon dollar qazanacaqlar - FOTO

"Joker"in davam filmi "Joker: Folie à Deux"ın baş rol ifaçılarının qazancı açıqlanıb.

BAKU.WS xarici KİV-ə istinadən xəbər verir ki, əsas rol ifaçısı olan aktyor Hoakin Feniksin ekran işindən 20 milyon dollar, onun tərəf müqabili müğənni Ledi Qaqanın isə 12 milyon dollar gəlir əldə edəcəyi bildirilib.

Ledi Qaqa filmdə "Harleen Quinzel" obrazına həyat verəcək. "Variety"nin yaydığı məlumata əsasən, "Joker: Folie à Deux"ın ümumi büdcəsi 200 milyon dollar təşkil edir.

Xatırladaq ki, "Joker" filmi 2019-cu ildə ekranlara gəlib. Ekran işi 60 milyon dollar büdcə ilə istehsalçılarına 1 milyard dollardan artıq gəlir gətirmişdi.