Ermənilər yaralı hərbçilərinin sayını açıqladılar

BAKU.WS xəbər verir ki, bu barədə Ermənistan Müdafiə Nazirliyinin mətbuat katibi Artsrun Ovanisyan məlumat verib. O, hərbi əməliyyatlar nəticəsində erməni tərəfindən yaralıların sayının 200-ə çatdığını bildirib.

Onun sözlərinə görə, yaralıların bir qismi İrəvana aparılıb. Bəziləri hərbi hospitallarda yerləşdirilib.

Xatırladaq ki, Ermənistan tərəfi 31 hərbçisinin öldüyünü bildirib. Azərbaycan Müdafiə Nazirliyindən BAKU.WS-ə daxil olan məlumata görə isə, ötən əməliyyat gününün sonuna əldə edilən kəşfiyyat məlumatlarına əsasən, Ermənistan ordusu döyüşlər nəticəsində ciddi itkilərə məruz qalıb: “Belə ki, düşmənin 22 ədəd tank və digər zirehli texnikası, 15 ədəd “OSA” zenit-raket kompleksi, 18 ədəd pilotsuz uçuş aparatı (PUA), 8 ədəd artilleriya qurğusu məhv edilib, ölən və yaralı olmaqla canlı qüvvə baxımından 550 nəfərdən artıq itkisi var. Müxtəlif istiqamətlərdə onun 3 silah-sursat anbarı məhv edilib”.