Ərdoğandan taxıl daşınması ilə bağlı müjdəli xəbər

Türkiyə Prezidenti Rəcəb Tayib Ərdoğan, "BMT, Rusiya və Ukrayna nümayəndələrinin iştirakı ilə kənd təsərrüfatı dəhlizi ilə bağlı problemləri aradan qaldıraraq imzalar atacağıq və dünyaya müjdə verəcəyik" deyə açıqlama verib.

BAKU.WS-in Türkiyə mediasına istinadən verdiyi məlumata görə, Ərdoğan həmçinin deyib ki, bu saziş taxıl dəhlizi ilə bağlı problemləri aradan qaldıracaq.

Xatırladaq ki, sözügedən müjdə “Jibek Joli gəmisi ilə bağlıdır. Gəmi, iyulun 3-də ”Berdyansk istiqamətindən Rusiya bayrağı altında taxıl daşıyarkən saxlanılıb. İlkin ehtimala görə, o, Ukrayna taxılının qanunsuz ixracını həyata keçirmək üzrə olub. Hadisənin ardından Kiyev Ankaradan gəmini müsadirə etməyi xahiş edib. Hazırda yük gəmisi Türkiyənin Karasu limanında lövbərdədir.