Əli Əsədov Monteneqro parlamentinin sədri ilə görüşdü

Azərbaycanın baş naziri Əli Əsədov Monteneqro parlamentinin sədri Aleksa Beçiç ilə görüşüb.

BAKU.WS Nazirlər Kabinetinin yaydığı məlumata istinadən xəbər verir ki, görüşdə Azərbaycan-Monteneqro dostluq münasibətlərinin müxtəlif istiqamətlərdə uğurla inkişaf etdiyi bildirilib, A.Beçiçin səfərinin ikitərəfli əməkdaşlığın genişləndirilməsinə təkan verəcəyinə əminlik ifadə olunub.

Həmçinin Azərbaycan ilə Monteneqro arasında ticari-iqtisadi, humanitar, mədəniyyət, turizm və digər sahələrdə əməkdaşlığın genişləndirilməsi perspektivləri müzakirə olunub.