Düşmən şəxsi heyət və hərbi texnikada itkilər verərək geri çəkilib

Noyabrın 8-si gün ərzində və 9-na keçən gecə Ermənistan silahlı qüvvələrinin bölmələri cəbhənin müxtəlif istiqamətlərində Azərbaycan Ordusu bölmələrinin mövqelərini və yaşayış məntəqələrimizi müxtəlif atıcı silahlar, top və minaatanlardan atəşə tutub.

Bu barədə BAKU.WS Azərbaycanın Müdafiə Nazirliyinə istinadən xəbər verir.

Cəbhənin Ağdərə, Ağdam, Xocavənd və Qubadlı istiqamətlərində döyüş əməliyyatları müxtəlif intensivlikdə davam edib.

Sutka ərzində cəbhənin əsas istiqamətlərində düşmənə ciddi zərbələr vurulub.

Cəbhənin bəzi sahələrində düşmən şəxsi heyət və hərbi texnikada itkilər verərək geri çəkilməyə məcbur edilib.