Britaniya şahzadəsindən ETİRAF: "25 nəfəri öldürmüşəm"

Böyük Britaniya şahzadəsi Harri Əfqanıstanda xidmət edərkən 25 nəfəri öldürdüyünü etiraf edib.

BAKU.WS-in Sky News-a istinadla məlumatına görə, bu barədə Sasseks hersoqu özünün avtobioqrafik “Spare” (“Ehtiyat”) kitabında yazıb.

"Mən dəqiq deyə bilərəm ki, nə qədər düşmən döyüşçüsü öldürmüşəm... Deməli, məndə bu say 25-dir. Bu hal məni məmnun etməsə də, utanmadım", - o bildirib.

Britaniya şahzadəsi Əfqanıstanda iki çağırış müddətində xidmət edib.

Həmçinin şahzadə 17 yaşında narkotikdən istifadə etdiyini də bildirib.

Qeyd edək ki, "Spare" kitabının buraxılışı yanvarın 10-na nəzərdə tutulub.