Bir qrup xarici jurnalist Qarabağa gedib

Beynəlxalq jurnalist təşkilatı Global Journalism Council-un təşkilatçılığı ilə bir qrup xarici jurnalist Azərbaycana gəlib.

BAKU.WS "report"a istinadən xəbər verir ki, nümayəndə heyətinin tərkibinə Shinji Hashimoto (Kyodo - Yaponiya), Aziz Gürpınar ("Kyodo News"), Piotr Patryk ("The Economist", ABŞ), Jordi Banos ("La Vanguardia", İspaniya), Filippo Cicciu (RSI İsveçrə), Albert Naya ("CNN İspanca"), Paul Osterlund ("Foreign Policy", ABŞ), İlya Topper (EFE, İspaniya), Kahraman Haliscelik (KGK) daxildir.

Belə ki, xarici jurnalistlər işğaldan azad edilmiş bölgələrdə erməni vandallarının törətdikləri ağlasılmaz vəhşiliklə yerində tanış olacaqlar. Səfərdə məqsəd erməni vəhşiliyinin dünyaya çatdırılmasıdır.

Global Journalism Council-un beynəlxalq məsələlər üzrə rəhbəri Elşad Eyvazlı bildirib ki, artıq bu gün heyət Qarabağ bölgəsinə yola düşüb:

“İlin sonunadək daha bir qrup əcnəbi jurnalistlərin Azərbaycana səfərini təşkil edəcəyik. Azad edilmiş rayonlarımızın hər qarışında erməni vəhşiliyi var.

Bu, dağıdılmış evlər, məhv edilmiş tarixi, dini, mədəni abidələr, viran qoyulmuş təbiətlə özünü göstərir. Əcnəbi jurnalistlərin vasitəsilə bu vəhşilikləri gücümüz qədər bütün dünyaya göstərməliyik”.