“Azərişıq” Laçının bir neçə kəndində yenidənqurma işləri aparır - VİDEO

Azərbaycan Prezidenti İlham Əliyevin müvafiq tapşırıqlarına əsasən, “Azərişıq” ASC Laçın rayonunun bir neçə kəndində yenidənqurma işləri həyata keçirir.

Bu barədə “Azərişıq” ASC məlumat yayıb.

Bildirilir ki, hazırda Cağazur, Qorçu və Qaragöl istiqamətlərində elektrik şəbəkələri yenilənir.

Ümumilikdə görülən digər işlərlə yanaşı Laçın şəhəri daxilində yeraltı xətlərin çəkilişi davam edir. Eyni zamanda Şəlvə, Qaragöl, Zağazur və Minkənd istiqamətlərinə çəkilən 35 kV-luq hava xətti də tamamlanmaq üzrədir.

Qeyd edək ki, “Azərişıq” elektrik təsərrüfatının yenidənqurulması ilə bağlı işləri ölkənin bütün regionlarında paralel olaraq davam etdirir.