Azərbaycanlı hərbçilərin meyitləri təhqir olunub - "Amnesty International"

Ermənistan silahlı qüvvələri Dağlıq Qarabağda hərbi cinayətlər törədib.

BAKU.WS Trend-ə istinadən xəbər verir ki, bu barədə "Amnesty International" təşkilatının məruzəsində deyilir.

Qeyd olunur ki, müharibə vaxtında nümayiş etdirilən videogörüntülərdə hərbi əsirlərlə kobud rəftar, eləcə də azərbaycanlı hərbçilərin meyitlərinin təhqir olunması müşahidə olunub.

"Boğazı kəsilən azərbaycanlı sərhədçinin də ölüm anını qeyd edən görüntülər mövcuddur".

Daha sonra məruzədə bildirilir ki, il ərzində Ermənistanda fikir və toplanma azadlıqları məhdudlaşdırılıb: "Məhdudiyyətlər əvvəlcə mart ayından sentyabradək COVID-19 pandemiyası ilə əlaqədar qüvvədə olan fövqəladə vəziyyətə, daha sonra sentyabrda müharibə ilə əlaqədar hərbi vəziyyətə görə tətbiq edilib".