Azərbaycan Türkiyə ilə enerji layihələrini müzakirə edib

Azərbaycan və Türkiyə arasında enerji layihələri müzakirə olunub

BAKU.WS xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib.

Məlumata görə, nazir İstanbul Təbii Sərvətlər Zirvəsi çərçivəsində Türkiyənin energetika və təbii sərvətlər naziri Alparslan Bayraktar ilə görüşüb.

Görüşdə Bakı-Tbilisi-Ceyhan və Trans-Anadolu Qaz Boru Kəməri (TANAP) layihələri ilə formalaşan strateji enerji tərəfdaşlığının qlobal enerji təhlükəsizliyinə töhfələrinin elektrik enerjisi sahəsində də genişləndirilməsi istiqamətində fikir mübadiləsi aparılıb.

İki nazir arasında elektrik enerjisinin Azərbaycandan Naxçıvan və Gürcüstan üzərindən, həmçinin Zəngəzur dəhlizi vasitəsilə Mərkəzi Asiyadan Türkiyə və Avropaya ötürülməsini nəzərdə tutan layihələrin icra vəziyyətini nəzərdən keçirilib.