Alimlər 46 min il əvvəl donmuş canlıları həyata qaytardılar - FOTO

Alimlər yerin altından tapdıqları 46 min il əvvəl donmuş Sibir permafrost tipli qurdlarını yenidən həyata qaytara biliblər.

BAKU.WS xarici mətbuata istinadən xəbər verir ki, hazırda onlar soxulcanların adaptasiya qabiliyyətinin sirrini açmağa çalışırlar.

Qəribədir ki, qurdlar dərhal hərəkətə keçərək laboratoriya qabında çoxalmağa başlayıblar. Bu, fantastik filmin bir hissəsi kimi görünsə də, tədqiqatın qurdların biologiyasını anlamaqdan başqa bir məqsədi də var.

Tədqiqat qrupu artan iqlim böhranına və dünyada dəyişən hava şəraitinə uyğunlaşmağın açarını tapmağa çalışır. Bu həm də bütün şəraitlərdə sağ qalmağın düsturu ola bilər.

Bu qurd növü maddələr mübadiləsini dayandıraraq "kriptobioz" adlanan vəziyyətə daxil ola bilir. Həyata qayıtdıqda maddələr mübadiləsi qaldığı yerdən işləməyə davam edir. Elm adamları qurdları şəxsən müşahidə etmək üçün yenidən mənfi 112 dərəcə soyuqda dondurdular və qurdların bu hava şəraitinə baxmayaraq asanlıqla sağ qaldıqları aşkar edilib. Soxulcanlar canlanan kimi çoxalmağa başlayıblar.

Üstəlik, belə qurdların çoxalması üçün erkək qurdlara ehtiyac yoxdur. Onlar bədənlərində inkişaf etdirdikləri yumurtalarla çoxalırlar.