İnam Kərimovdan yeni təyinatlar

Kənd Təsərrüfatı Nazirliyində iki yeni təyinat olub. BAKU.WS "Qafqazinfo"ya istinadla xəbər verir ki, Nazir İnam Kərimovun imzaladığı əmrə əsasən, Etibar Muradlı Şamaxı Dövlət Aqrar İnkişaf Mərkəzinin direktoru təyin edilib. Şamaxı DAİM-in yeni direktoru Çex Respublikasının Mendel Universitetinin Regional inkişaf və beynəlxalq ərazi planlaşdırılması fakultəsində kənd təsərrüfatının menecmenti ixtisası üzrə təhsil alıb. O, yeni təyinata qədər Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsində və “Azəraqrar Dövlət istehsalat və Emal Birliyi” MMC-də çalışıb. Nazir İnam Kərimovun digər əmri ilə Elşən Cəbrayılov Kürdəmir Dövlət Aqrar İnkişaf Mərkəzinin direktoru təyin edilib.Xatırladaq ki, Kürdəmir DAİM-in əvvəlki direktoru Mətləb Kərimov işdə yol verdiyi nöqsanlara, nazirliyin fermerlərə yaxınlıq prinsipini kobud şəklildə pozduğuna görə bir müddət əvvəl işdən azad edilmişdi.