"Tağıyev"in 2-ci sezonu çəkiləcək

"Tağıyev" filiminin 2-ci sezonunuun çəkilməsi nəzərdə tutulub.

BAKU.WS xəbər verir ki, bu barədə "Tağıyev" filminin rejissoru və ssenari müəlliflərindən biri olan Zaur Qasımlı "Gilavar" yutub kanalına bildirib.

O qeyd edib ki, "Tağıyev" filmi əslində 8 bölüm yazılıb.

"8 bölüm yazılan bu filmin yalnız 4 bölümü ekranlaşdırıldı. Digər 4 bölümün (2-ci sezon) də çəkilməsi planlaşdırılır.

Zaur Qasımlı həmçinin deyib ki, 3-cü bölümdə Tağıyevin həyatından çox maraqlı faktlar, o cümlədən baş qəhrəman Sona xanım, Tağıyevin oğlu ilə mübahisəsi və Qızlar Gimnaziyasının açılması kimi mövzular yer alacaq.

Qeyd edək ki, Bakı Media Mərkəzinin istehsalı olan bu filmin 2 bölümü "Tağıyev: Neft" və "Tağıyev: Çar" artıq kinoteatrlarda nümayiş etdirilib.