“Şöhrət” ordeni alan Xalq artisti: "Sabah-sabah oyananda ilk bu sevincli xəbəri eşitdim"

Eldar Bəhram oğlu Mansurov “Şöhrət” ordeni ilə təltif edilib.

BAKU.WS xəbər verir ki, bununla bağlı Prezident İlham Əliyev sərəncam imzalayıb. Xalq artisti Azərbaycan musiqi sənətinin inkişafında xidmətlərinə görə təltif olunub.

Bu haqda BAKU.WS-ə danışan musiqiçi bildirib ki, sabah-sabah eşitdiyi bu xəbər onu çox sevindirib:

"Təssüratlarım çox gözəldir. Sabah-sabah oyananda ilk bu sevincli xəbəri eşitdim. Böyük qürur hissi keçirirəm. Sənətimə böyük qiymət verildiyi üçün cənab prezident İlham Əliyevə təşəkkür edirəm".