055 213 76 73
Türkiyə Diyanət Vəqfi (TDV) “qurbanını paylaş, qardaşınla yaxınlaş” şüarı ilə 1990-cı illərdə Ermənistanın işğalından sonra Bakıya köç etmək məcburiyyətində qalan azərbaycanlılara qurban əti paylayıb, uşaqlara oyuncaqlar hədiyyə edib.
BAKU.WS "Oxu.az"a istinadən xəbər verir ki, qarabağlılar 28 illik işğaldan sonra Qarabağın geri alınmasından və Ermənistan üzərində qazanılan qələbədən qürur duyur.
Onlar arzuladıqları ata-baba yurdlarına qayıtmaq üçün günləri sayırlar.
Qarabağın Zəngilan rayonunda anadan olan, Bakıda yaşayan 60 yaşlı Gülşən Nahriyeva ermənilərin bölgəni mühasirəyə aldığı zaman üç uşağı və yoldaşı ilə uzun müddət piyada yol gedərək əvvəl İrana, sonra da Azərbaycana gəldiklərini deyib.
“Allaha şükür ki, Qarabağı aldıq. Dövlətimizə, şəhidlərimizə və qazilərimizə borcluyuq. Bu yerləri çox sevirik, amma oralar öz torpaqlarımızdır. Darıxıram, çox darıxıram. İcazə versələr indi, heç vaxt itirmədən gedərdim. Ən qısa müddətdə orada yaşamaq istəyirəm. Hər gün yuxumda görürəm. Uşaqlıq və gənclik xatirələrim var. Ailəmlə birlikdə yaşadığımız günləri xatırlayıram. Anamı, atamı və qızımı burada itirdim. İcazə versələr cənazələrini orada aparmaq istəyirəm”, - deyə o qeyd edib.
Nahriyeva bu müddətdə onlara dəstək olan Türkiyəyə də minnətdarlığını bildirib.
Qardaşı Birinci Qarabağ müharibəsində şəhid olan İsa Allahverdi də Ermənistanın işğalından əvvəl Qarabağda xoşbəxt bir həyat yaşadıqlarını deyib:
“Qardaşım müharibədə şəhid oldu. Ermənilər bizə zülm etdilər. İran yolu ilə Azərbaycana qayıtdıq. Ali Baş Komandanımız İlham Əliyev Qarabağı geri alıb bizə ikinci bayramı yaşatdı. Çox xoşbəxtik”.
O qeyd edib ki, ata-baba yurdlarına qayıtmaq istəyir:
“Qanadlarım olsaydı, oraya uçmaq istərdim”.
Qazi İkram Tağıyev Birinci Qarabağ müharibəsi zamanı diz qapağında yaralandığını deyib.
“50 yaşım olsa da, bu müharibəyə könüllü qatıldım. Təəssüf hissi ilə tərk etdiyimiz torpaqlara bayraq sancmaq qürurunu yaşadıq. Ümid edirəm ki, övladlarım orada böyüyəcək”, - deyə dədə-baba torpaqlarına qovuşduğuna görə xoşbəxt olduğunu dilə gətirən Tağıyev vurğulayıb.