Zəngilanda erməni vandallığı: Məzarları qazıb dağıdıblar - VİDEO

Zəngilanda ermənilərin növbəti vandallığı üzə çıxıb.

BAKU.WS oxu.az-a istinadla xəbər verir ki, bu barədə sosial şəbəkələrdə görüntülər yayılıb.

Yayılan görüntülərdə Zəngilanda yerləşən və azərbaycanlılara məxsus olan məzarların dağıdılması, həmçinin qazılması öz əksini tapıb.

İddialara görə, məzarların qazılmasına səbəb ölən şəxslərin qızıl dişlərinin çıxarılmasıdır.

Qeyd edək ki, Zəngilan şəhəri 29 oktyabr 1993-cü ildə erməni silahlı birləşmələri tərəfindən işğal edildikdən sonra tamamilə dağıdılıb və məhv edilib.

Xatırladaq ki, 44 günlük Vətən müharibəsi ilə 20 oktyabr 2020-ci il tarixində Zəngilan erməni işğalından azad edilib.