Yolların buz bağlaması nəticəsində Bakıda 41 qəza baş verib

Ötən gün havanın şaxtalı və qarlı olması səbəbindən paytaxt yollarında 41 yol qəzası baş verib.

Bu barədə Bakı Şəhər Baş Polis İdarəsi Dövlət Yol Polisi (DYP) İdarəsinin şöbə rəisi, polis polkovniki Vaqif Əsədov BAKU.WS-ə bildirib.

Onun sözlərinə görə, həmin qəzalarda ölüm faktı qeydə alınmayıb.

"Bu gün səhər saatlarından indiyə qədər yolların sürüşkən olması səbəbindən Bakıda 9 yol qəzası baş verib. Bunlar maddi zərərlə nəticələnən yol qəzalarıdır. Şükürlər olsun ki, qəzalarda ölən və xəsarət alan olmayıb. Eyni zamanda paytaxtın 11 ərazisində texniki cəhətdən nasaz olan avtomobillər yollarda süni tıxaclar yaranıb", - deyə V.Əsədov bildirib.