Xalq artisti Ənvər Həsənov dəfn olunub

Xalq artisti Ənvər Həsənov dəfn olunub.

BAKU.WS report-a istinadən xəbər verir ki, mərhumla əvvəlcə evində vida mərasimi keçirilib.

Mərasimdə aktyorun ailə üzvləri, sənət dostları və ictimaiyyət nümayəndələri iştirak ediblər.

Daha sonra mərhumun cənazəsi Buzovna qəsəbəsi qəbiristanlığına aparılaraq torpağa tapşırılıb.

Qeyd edək ki, Ənvər Həsənov martın 16-da 75 yaşında vəfat edib.

*** 09:41

Ötən gün vəfat edən Xalq artisti Ənvər Həsənovun dəfn yeri açıqlanıb.

BAKU.WS xəbər verir ki, mərhumun vida mərasimi 14:00 da Şüvəlanda yaşadığı evdə keçiriləcək. Bu barədə onun yaxınları məlumat verib.

Xalq artisti Buzovna qəbiristanlığında həyat yoldaşı Mömünat xanımın məzarının yanında dəfn ediləcək.

Qeyd edək ki, Ənvər Həsənov bu il yanvarın 10-da anidən pisləşməsi səbəbilə Xəzər Tibb Mərkəzinin Terapiya şöbəsinə yerləşdirilib. Ona dəqiqləşdirilməmiş anemiya diaqnozu təyin edilib və ilkin zəruri tibbi xidmət göstərilib.