Türkiyə orduya "müharibəyə hazır ol" əmri verdi

Türkiyə Hərbi Hava Qüvvələri Rusiyaya aid hərbi təyyarənin hava məkanını pozduğu üçün qırıcıları döyüş vəziyyətinə gətirib.

BAKU.WS-in məlumatına görə, bu Türkiyə ilə Rusiya arasındakı gərginliyin hansı səviyyədə olduğunu dəlalət edir. Türkiyə tədbiri əldən verməmək üçün qırıcıları həm müdafiə, həm də hücuma qarşı hazır vəziyyətə gətirib. 

Rəsmi Ankaranın ABŞ, Almaniya, İngiltərə və Fransa kimi ölkələrlə təmaslardan sonra Türkiyə HHQ-in "narıncı həyəcan" vəziyyətinə keçdiyini elan etməsi diqqət çəkib. "Narıncı həyəcan" vəziyyəti özünümüdafiə üçün yaranmış sistemdir və hücum əmrindən bir əvvəlki etap olaraq bilinir. 

Xatırladaq ki, 24 Noyabr 2015-ci il tarixində Rusiya qırıcıları Türkiyə hava məkanını pozuduğu üçün vurulmuşdu. Bu hadisə iki ölkə arasında iqtisadi-siyasi əlaqələrin dayandırılması səviyyəsinə gəlib çatmasına səbəb olub. 

BAKU.WS