Telman İsmayılov Avropada milyonlarla dəyəri olan mülkünü itirib

Rusiyanın paytaxtı Moskvadakı “Çerkizov” bazarının keçmiş sahibi, azərbaycanlı biznesmen Telman İsmayılov və oğlu Sərxan Fransız Rivyerasında üçmərtəbəli villalarından olublar.

BAKU.WS “oxu.az”a istinadən xəbər verir ki, bu barədə “Kommersant” qəzeti məlumat yayıb.

Elit daşınmaz əmlakı İsmayılovun əlindən böyük məbləğdə borcu olduğu BM-Bank (BTB qrupunun bir hissəsi) tərəfindən alınmağa çalışılıb.

Söhbət Fransada Lacivərd sahildəki kiçik Valloris qəsəbəsində yerləşən idman zalı, bar və bilyard otaqları, şərab zirzəmisi olan üçmərtəbəli villadan gedir.

Belə ki, BM-Bank villa ilə bağlı məhkəməyə müraciət etmək istəyib və 18 avqustda Fransa məhkəməsi iddiaları təmin edib.

Amma sonradan məlum olub ki, villa Telman İsmayılov tərəfindən başqa bankda girov qoyulub və bu ilin iyul ayında məhkəmə hərracı çərçivəsində 8,2 milyon avroya satılıb.

Bankdan bildirilib ki, gələcəkdə “Telman İsmayılovdan və əlaqədar şəxslərdən mövcud qanunvericilik çərçivəsində borcların alınması üçün bütün zəruri tədbirləri həyata keçirməyə davam edəcəklər”.

2021-ci ilin martında İsmayılovun Las-Veqasdakı “Craig Valley Plaza” ticarət mərkəzini itirdiyi də məlum olub.