Polis Mehdiabad-Pirşağı yolunda itə işgəncə verən şəxsi müəyyənləşdirdi - YENİLƏNİB/VİDEO

Mehdiabad-Pirşağı avtomobil yolunda itə işkəncə verən şəxs polis tərəfindən müəyyən olunub.

BAKU.WS-in əldə etdiyi məlumata görə, məsələ ilə bağlı polis əməkdaşları tərəfindən araşdırma aparılıb. Videoda itlə rəhmsiz rəftara yol verən sürücü müəyyən olunub.

Onun barəsində Sabunçu Rayon Polis İdarəsinin 15-ci Polis Bölməsində qanunauyğun tədbir görülüb.

***11:44

Mehdiabad-Pirşağı avtomobil yolunda itin maşının arxasına bağlanaraq sürüdüldüyü iddia edilir.

Bu barədə məlumat BAKU.WS-in "qaynar xətti"nə daxil olub.

Şikayətçi bildirib ki, hadisə bu gün səhər saat 11 radələrində, yolun "Sovxoz" adlanan hissəsində qeydə alınıb:

"İti maşının arxasina bağlayıb, avtomobili yüksək sürətlə idarə edirdilər. Yoldan keçənlər etirazını bildirdi. İtin ayaqları bərbad günə düşmüşdü".

Hadisə yerindən görüntüləri təqdim edirik: