Süpürgəçini maşın vuraraq öldürdü

Beyləqanda süpürgəçini maşın vuraraq öldürüb.

BAKU.WS APA-ya istinadən xəbər verir ki, hadisə Beyləqan rayon mərkəzində qeydə alınıb.

Belə ki, 1992-ci ilə təvəllüdlü Rəşad Şükürov idarə etdiyi "Mercedes" markalı avtomobillə hərəkətdə olarkən yol kənarını təmizləyən rayon sakini, 1968-ci il təvəllüdlü Solmaz Təhməz qızı Həsənovanı vurub. Nəticədə S.Həsənova aldığı xəsarətdən hadisə yerində həyatını itirib.

Daxili İşlər Nazirliyinin Mətbuat Xidmətinin Bərdə qrupundan bildirilib ki, sürücü polis əməkdaşları tərəfindən saxlanılıb. Hazırda faktla bağlı Beyləqan Rayon Polis Şöbəsində araşdırma aparılır.