Sumqayıtda Narkoloji Dispanserdə müalicə alan şəxs öldü

Sumqayıtda dispanserdə ölüm faktı baş verib.

BAKU.WS APA-ya istinadən xəbər verir ki, hadisə Sumqayıt Şəhər Narkoloji Dispanserində qeydə alınıb.

Orada müalicə olunan 1968-ci il təvəllüdlü V.Hacıyevin bu gün vəfat etdiyi bildirilir.

Məlumata görə, o, dekabrın 10-da xəstəxanaya daxil olub, amma aparılan müalicəyə baxmayaraq iki gün sonra orada ölüb. Meyit aidiyyəti üzrə təhvil verilib.

Faktla bağlı Sumqayıt Şəhər Prokurorluğunda araşdırma aparılır.