Senyuşkin küçəsindəki yanğın söndürüldü - YENİLƏNİB - VİDEO

Bakı şəhərinin Xətai rayonunda ikimərtəbəli kommunal tipli yaşayış binasının dam örtüyünün yanar konstruksiyaları 170 m² sahədə və qarşısına yığılan taxta tullantıları 80 m² sahədə yanıb.

Bu barədə BAKU.WS-ə FHN-dən məlumat verilib.

Yüksək temperaturdan yaxınlıqdakı üçmərtəbəli fərdi yaşayış evinin 3-cü mərtəbəsində 2 ədəd pəncərə çərçivəsi qarsalanıb.

Binanın qalan hissəsi və yaxınlıqdakı ev yanğından mühafizə olunub.

Yanğın yanğından mühafizə bölmələri tərəfindən söndürülüb.

***16:05

Xətai rayonu, Sergey Senyuşkin küçəsində sexlərdən birində baş verən yanğın səbəbindən qeyd olunan küçədən Yusif Səfərov və Xocalı prospekti istiqamətində nəqliyyat vasitələrinin hərəkətinə qoyulan məhdudiyyət aradan qaldırılıb.

Bu barədə NİİM-dən bildirilib.

***14:04

Bakıda yanğın səbəbindən avtomobillərin hərəkətinə məhdudiyyət qoyulub.

Bu barədə NİİM-dən bildirilib.

Qeyd edilir ki, Xətai rayonu, Sergey Senyuşkin küçəsinde sexlərdən birində baş verən yanğın səbəbindən qeyd olunan küçədən Yusif Səfərov və Xocalı prospekti istiqamətində nəqliyyat vasitələrinin hərəkətinə məhdudiyyət qoyulub.

***13:43

Bakıda Xətai rayonu ərazisində yanğın hadisəsi baş verib.

Bu barədə BAKU.WS-in "qaynar xətti"nə məlumat daxil olub.

Şahidlərin dediyinə görə, yanğın “Sevirəm” park kompleksinin yaxınlığında yerləşən yaşayış binasında qeydə alınıb.

Görüntünü təqdim edirik: