Salyanda avtomobil aşıb – 1 ölü, 5 yaralı

Salyan rayonunda ağır yol-nəqliyyat hadisəsi baş verib.

BAKU.WS oxu.az-a istinadən xəbər verir ki, qəza Şorsulu kəndində qeydə alınıb.

Belə ki, Fövqəladə Hallar Nazirliyinin "112" qaynar telefon xəttinə Salyan rayonu, Şorsulu kəndində yol-nəqliyyat hadisəsinin baş verməsi və xilasedici köməyinə ehtiyac yaranması barədə məlumat daxil olub. Məlumatla əlaqədar qəza yerinə nazirliyin xilasetmə qüvvələri cəlb olunublar.

Əməliyyat şəraiti qiymətləndirilərkən məlum olub ki, "Mercedes" markalı minik avtomobili yol kənarına aşıb və avtomobildə 3 nəfər sıxılmış vəziyyətdə qalıb. Muğan Regional Mərkəzinin xilasetmə qüvvələri tərəfindən həyata keçirilən tədbirlər nəticəsində 2 nəfər sağ çıxarılıb, 1 nəfərin meyiti isə nəqliyyat vasitəsindən çıxarılaraq aidiyyəti üzrə təhvil verilib.

Qəza nəticəsində rayonun Arbatan kənd sakinləri - 1991-ci il təvəllüdlü Həsən Rafət oğlu Rüstəmov, 1976-cı il təvəllüdlü Taleh Əkbər oğlu Məhərrəmov, eləcə də Salyan şəhər sakinləri - 2006-cı il təvəllüdlü Lalə Fikrət qızı Yaqubova, 2023-cü il təvəllüdlü Miryusif Mirəli oğlu Əhmədov, 1958-ci il təvəllüdlü Bəsirə Sabir qızı Yaqubova xəsarət alıblar. Hadisə zamanı Xalidə Sabir qızı Yaqubova ölüb.

Yaralılar dərhal Salyan Rayon Mərkəzi Xəstəxanasına çatdırılıblar.

Faktla bağlı araşdırma aparılır.